ദയവായി തന്നെ ഐറ്റം ഗേള്‍ എന്ന് വിളിക്കരുതേ: ഭാമ

മലയാളത്തില്‍ നിന്നും മറ്റു ഭാഷകളിലേക്ക് പൊടിയും തട്ടി പോകുന്ന നടിമാര്‍ അവിടെയെത്തുമ്പോള്‍ തുണി കുറയ്ക്കുക എന്നൊരു നാട്ടുനടപ്പ്‌ നമ്മള്‍ കാണാറുണ്ട്. അവിടെ പോയി നടന്മാരുമായി ഇഴുകിച്ചേര്‍ന്ന് അഭിനയിച്ചു അവസാനം ഒരു ഐറ്റം ഡാന്‍സ് എല്ലാം ചെയ്താല്‍ പിന്നെ അവരെ പിടിച്ചാല്‍ കിട്ടില്ല. എന്നാല്‍ അവരില്‍ നിന്നൊക്കെ വ്യത്യസ്ത ആവാന്‍ ശ്രമിക്കുകയാണ് ഭാമ. കന്നഡ ചിത്രം ഓട്ടോ രാജയില്‍ ഐറ്റം സോങ്ങ് ചെയ്തത് തന്റെ ജീവിതത്തില്‍ സംഭവിച്ച വലിയൊരു അബദ്ധമായി എന്നാണ് ഭാമയിപ്പോള്‍ കരുതുന്നത്.

കുട്ടിയുടുപ്പിട്ട് കന്നഡ നടനോടൊപ്പം ആടിയ ഭാമയെ കണ്ട മലയാളികള്‍ നടിക്കെതിരെ വന്‍ വിമര്‍ശനം ആണ് ഉന്നയിച്ചിരുനത്. ഭാമയുടെ മനസ്സിപ്പോള്‍ മാറിയിരിക്കുകയാണ്. ഐറ്റം സോങ് ചെയ്യാന്‍ തയ്യാറായത് തെറ്റായിപ്പോയെന്നും ഇനി ഇത്തരം ഗാനരംഗങ്ങള്‍ ചെയ്യില്ലെന്നുമാണ് ഭാമയിപ്പോള്‍ പറയുന്നത്.

സിനിമയില്‍ അത്തരം ഒരു രംഗം ആവശ്യമായത് കൊണ്ടാണ് തനിക്കത് ചെയ്യേണ്ടി വന്നത് എന്നാണ് ഭാമ പറയുന്നത്. തന്റെ ആദ്യത്തേതും അവസാനത്തേതും ആയ ഐറ്റം ഡാന്‍സ്‌ ആയിരിക്കും അതെന്നും ഭാമ അടിവരയിടുന്നു. ദയവായി തന്നെ ഐറ്റം ഗേള്‍ എന്ന് വിളിക്കരുതേ എന്നാണ് ഭാമ അപേക്ഷിക്കുന്നത്.

” രണ്ടാമത് ഗര്‍ഭിണിയായ മഞ്ജുവാര്യര്‍ അബോര്‍ഷന്‍ നടത്തി ” – വിവാദ ലേഖനവുമായീ മംഗളം

തലകെട്ട് വായിച്ചു ഞെട്ടണ്ട….മംഗളം ഈ ലക്കത്തിൽ വന്ന വാര്‍ത്തയാണിത്‌ . എന്താണ് മഞ്ജുവാര്യര്‍ക്കും ദിലീപിനും ഇടയില്‍ സംഭവിച്ചത്? എന്ന് വ്യക്തമാക്കുകയാണ് ‘സിനിമാ മംഗള’ത്തിലെ തന്റെ ലേഖനത്തിലൂടെ പല്ലിശ്ശേരി.പക്ഷെ ഇത് ഇത്തിരി കടുപ്പമായോ എന്ന് സംശയം.. ഏറെ വിവാദമാകാവുന്ന കാര്യങ്ങളാണ് ഇതിലൂടെ പറയുന്നത്. ‘മഞ്ജുവാര്യരെ ഹൃദയം തുറന്നു സ്‌നേഹിക്കുന്നവര്‍ക്ക് അറിയാത്ത ചില കഥകള്‍ പരസ്യമായ രഹസ്യമാണ്. അതേസമയം ദിലീപെന്ന നടന്റെ മനസില്‍ നിറഞ്ഞുനില്‍ക്കുന്ന വേദനയുടെ കഥകളും കൂട്ടിവായിക്കേണ്ടതാണ്” എന്ന് ലേഖനം പറയുന്നു.

ലേഖനത്തില്‍ നിന്ന്- പ്രണയിച്ച് വിവാഹിതരായവരാണ് മഞ്ജുവും ദിലീപും. മഞ്ജുവിന്റെ വീട്ടുകാര്‍ ഇവരുടെ വിവാഹത്തിന് എതിരായിരുന്നു.ദിലീപിന് കുട്ടികളെ ജീവനായിരുന്നു. ഇപ്പോഴും ദിലീപിന്റെ ആരാധകരില്‍ ഒരു വലിയ വിഭാഗം കുട്ടികളാണ്. വിവാഹം കഴിഞ്ഞ് കുറച്ചുദിവസം കഴിഞ്ഞപ്പോള്‍ ദിലീപിന് ഒരു കാര്യം മനസിലായി. മഞ്ജുവിന് പ്രസവിക്കാനും അമ്മയാകാനും ഇഷ്ടമല്ല. എന്തു ചെയ്യണമെന്നറിയാതെ വേദനിച്ചു നിന്ന നിമിഷങ്ങളായിരുന്നു. വിവാഹജീവിതത്തില്‍ അച്ഛനും അമ്മയും മക്കളുമടങ്ങുന്ന കുടുംബത്തിന്റെ സന്തോഷത്തെക്കുറിച്ച് ദിലീപ് സൂചിപ്പിച്ചു. മഞ്ജുവിനെ ‘അമ്മ’ എന്ന സത്യത്തിലേക്ക് തിരികെ കൊണ്ടുവന്നു.

പിന്നീട് മഞ്ജു ഗര്‍ഭിണിയായി. പ്രസവിച്ചു. പക്ഷേ, താന്‍ പ്രസവിച്ച കുഞ്ഞിനോട് ആ കുഞ്ഞ് അര്‍ഹിക്കുന്ന രീതിയിലുള്ള സ്‌നേഹവും നെഞ്ചിലെ ചൂടും നല്‍കാന്‍ മഞ്ജു തയാറായിരുന്നില്ല. സ്വന്തം അമ്മയുടെ സ്‌നേഹം ലഭിക്കാത്ത കുട്ടിക്ക് മതിവരാത്ത സ്‌നേഹം നല്‍കി ദിലീപ് വളര്‍ത്തി.രണ്ടാമതൊരു കുട്ടിയെക്കൂടി വേണമെന്ന ദിലീപിന്റെ ആഗ്രഹത്തിനു മുന്നില്‍ മഞ്ജു വിലങ്ങുതടിയായി നിന്നു. ഒരിക്കലും ഇനി പ്രസവിക്കില്ലെന്ന് തീരുമാനമെടുത്തു. എന്നാല്‍, മഞ്ജു രണ്ടാമതും ഗര്‍ഭിണിയായി. എന്നാല്‍ ദിലീപിനോടു പോലും പറയാതെ അബോര്‍ട്ട് ചെയ്തു. ഈ സംഭവം ദിലീപിനെ മാനസികമായി വേദനിപ്പിച്ചു . യഥാര്‍ത്ഥത്തില്‍ മഞ്ജുവാര്യരെ കറവപ്പശുവാക്കി മാറ്റാന്‍ തീരുമാനിച്ച വീട്ടുകാരാണ് അഭിനയരംഗത്തേക്കും നൃത്തരംഗത്തേക്കും മഞ്ജുവിനെ കൊണ്ടുവരാന്‍ ശ്രമിച്ചത്. ഇതിനു പിന്നില്‍ മലയാളസിനിമയിലെ ഒരു കുടുംബസംവിധായകന്റെ ശക്തമായ പിന്തുണയും ഉണ്ടായിരുന്നു. എന്നിങ്ങനെ പോകുന്നു ലേഖനം …

മമ്മൂട്ടി എന്റെ നല്ലൊരു കസ്റ്റമറാണ്: ലക്ഷ്മി (സരിത)

സോളാര്‍ തട്ടിപ്പ് കേസുമായി ബന്ധപ്പെട്ട് കൂടുതല്‍ തെളിവുകളും ഉന്നതരുമായുള്ള ബന്ധങ്ങളുടെ ഫോള്‍ കാളുകളും പുറത്തുവന്നു കൊണ്ടിരിക്കുകയാണ്. സോളാര്‍ തട്ടിപ്പിനെതിരെ പരാതി നല്‍കിയ അബ്ദുള്‍ മജീദിനോടുള്ള ഫോണ്‍ സംഭാഷണത്തിലാണ് തന്റെ ഉന്നത ബന്ധങ്ങളെ കുറിച്ച് സരിത വെളിപ്പെടുത്തുന്നത്.

ഏത് സമയവും തന്റെ ഫോണില്‍ നിങ്ങള്‍ക്ക് ബന്ധപ്പെടാമെന്നാണ് ലക്ഷ്മി എന്ന സരിത അബ്ദുള്‍ മജീദിനോട് ഫോണില്‍ പറയുന്നത്. തനിക്ക് നിരവധി പ്രമുഖര അറിയാമെന്ന് അബ്ദുള്‍ മജീദ് സരിതയോട് പറഞ്ഞു. ഐ.ജി പത്മകുമാറിനെയും എ.ഡി.ജി.പി മുഹമ്മദ് യാസിനെയും അറിയാം. മമ്മൂട്ടിയെ നടന്‍ ആകുന്നതിന് മുമ്പ് പരിചയമുണ്ടെന്നും മജീദ് സരിതയോട് ഫോണ്‍ വഴി പറയുന്നുണ്ട്. ഇതിനുള്ള മറുപടിയായാണ് ലക്ഷ്മി(സരിത) മമ്മൂട്ടി തന്റെ ഒരു നല്ല കസ്റ്റമര്‍ ആണെന്ന് മറുപടി പറയുന്നത്.

ടീം സോളാറിന്റെ പരിപാടിയില്‍ മമ്മൂട്ടി പങ്കെടുത്ത ഫോട്ടോകള്‍ നേരത്തേ മാധ്യമങ്ങളിലൂടെ പുറത്തുവന്നിരുന്നു. മമ്മൂട്ടിയുടെ പേര് ഉപയോഗിച്ച് സരിത വല്ല തട്ടിപ്പും നടത്തിയിട്ടുണ്ടോ എന്നത് സംബന്ധിച്ചും പോലീസ് അന്വേഷണം നടത്തും.

വിവാഹപൂര്‍വ ലൈംഗിക ബന്ധം: കോടതി വിധി സ്വാഗതം ചെയ്യുന്നു: ഖുഷ്ബു

വിവാവപൂര്‍വ ലൈംഗിക ബന്ധത്തെ കുറിച്ച് മദ്രാസ് ഹൈക്കോടതി ജഡ്ജിയുടെ വിധിയെ സ്വാഗതം ചെയ്യുന്നുവെന്ന് തെന്നിന്ത്യന്‍ നടി ഖുഷ്ബു. പ്രായപൂര്‍ത്തിയായ പുരുഷനും സ്ത്രീയും ലൈംഗിക ബന്ധത്തിലേര്‍പ്പെട്ടാല്‍ വിവാഹത്തിന് തുല്യമാണെന്ന് മദ്രാസ് ഹൈക്കോടതി വിധിച്ചിരുന്നു.

എന്നാല്‍, വര്‍ഷങ്ങള്‍ക്ക് മുമ്പ് വിവാഹപൂര്‍വ ലൈംഗിക ബന്ധത്തെ കുറിച്ച് സംസാരിച്ച ഖുഷ്ബുവിന്റെ പ്രസ്താവന വലിയ വിവാദങ്ങള്‍ക്ക് കാരണമായിരുന്നു. കോടതിയുടെ വിധി സ്വാഗതാര്‍ഹമാണെന്നും വിവാഹപൂര്‍വ ബന്ധങ്ങള്‍ സമൂഹത്തില്‍ ഉണ്ടെന്ന ഹൈക്കോടതിയുടെ തിരിച്ചറിവ് ഏറെ സന്തോഷമുണ്ടാക്കുന്നതാണെന്നും ഖുഷ്ബു പ്രതികരിച്ചു.

കോടതി വിധി പിന്തിരിപ്പനല്ല. പുരുഷനുമായി വിവാഹത്തിലൂടെയല്ലാതെ ബന്ധമുണ്ടാക്കുന്നതും അതില്‍ കുട്ടികളുണ്ടാകുന്നതിലും തെറ്റൊന്നുമില്ല. കോടതിയുടെ വിധി ശരിക്കും സ്ത്രീകള്‍ക്ക് ആശ്വാസകരവും സംരക്ഷണവും നേടിക്കൊടുക്കുന്നതാണെന്നും ഖുഷ്ബു പറഞ്ഞു.

ഇപ്പോഴുള്ള മതം തന്നെ വേണ്ടെന്നു വെച്ചിരിക്കുകയാ അപ്പോഴാ മതം മാറുന്നത് : ആഷികും റിമയും

ഇപ്പോഴുള്ള മതം തന്നെ വേണ്ടെന്നു വെച്ചിരിക്കുകയാണന്നും പിന്നെയാണ് മതം മാറുന്നതെന്നും വിവാഹത്തിന് മുന്‍പ്‌ മതം മാറുന്നു എന്ന വാര്‍ത്തകള്‍ തള്ളിക്കളഞ്ഞു കൊണ്ട് റിമ കല്ലിങ്കലും ആഷിക് അബുവും സംയുക്ത പ്രസ്താവനയില്‍ പറഞ്ഞു. രണ്ടു പേരും രണ്ടു മതമായതിനാല്‍ റിമ മതം മാറിയില്ലെങ്കില്‍ ആഷിക് അബു-റിമ വിവാഹം നടക്കില്ലെന്ന് പ്രമുഖ പത്രവും ഓണ്‍ലൈന്‍ സൈറ്റുകളും റിപ്പോര്‍ട്ട്‌ ചെയ്തിരുന്നു. ഇതെല്ലാം തള്ളിക്കൊണ്ടാണ്‌ ഇരുവരും വന്നിരിക്കുന്നത്.

റിമ മതം മാറില്ലെന്നും വിവാഹം കഴിക്കണമെന്ന് നിര്‍ബന്ധമാണെങ്കില്‍ ആഷിക് അബു മതം മാറണമെന്ന് ചില സംഘടനകള്‍ ആവശ്യപ്പെട്ടു എന്ന് വാര്‍ത്തകള്‍ ഉണ്ടായിരുന്നു. ഈ വാര്‍ത്തകളാണ് ഇരുവരും ചേര്‍ന്ന് തള്ളിയിരിക്കുന്നത്.

ഒരുമിച്ചു താമസിക്കുന്ന ഇരുവരും ഉടന്‍ വിവാഹിതരാകുമെന്നും ആഷിക് അബു പറഞ്ഞു. കൊച്ചിയില്‍ ഒരു സ്വകാര്യ ചടങ്ങില്‍ വെച്ചാണ് ഇരുവരും ഇങ്ങനെ പറഞ്ഞത്.

ഇതോടെ ഇരുവര്‍ക്കും ഇടയില്‍ മതം വില്ലനാകുന്നു എന്ന തരത്തിലുള്ള വാര്‍ത്തകള്‍ ആരോ പ്രച്ചരിപ്പിച്ചതാണന്നും തെളിഞ്ഞിരിക്കുകയാണ്

വിവാഹമോചന കേസിനോടനുബന്ധിച്ച് നടി രചന കുടുംബ കോടതിയില്‍

വിവാഹമോചന കേസിനോടനുബന്ധിച്ച് കൗണ്‍സലിംഗിനായി സീരിയല്‍, സിനിമ നടി രചന കുടുംബ കോടതിയിലെത്തി. നേരത്തെ ഇവര്‍ വിവാഹമോചന ഹര്‍ജി നല്‍കിയിരുന്നു. ഇതേത്തുടര്‍ന്ന് കുടുംബ കോടതി ജഡ്ജ് പി.കെ.ഭഗവത്‌സിംഗിന്റെ മുന്നില്‍ കൗണ്‍സലിംഗിന് എത്തുകയായിരുന്നു.

ആലപ്പുഴ സ്വദേശി അരുണും രചനയും 2011 ജനുവരി ഒമ്പതിനാണ് വിവാഹം കഴിച്ചത്. ബന്ധം തുടരാനാകില്ലെന്ന് കാണിച്ച് 2012 മാര്‍ച്ച് 14 ന് വിവാഹ മോചനത്തിനായി കുടുംബകോടതിയില്‍ കേസ് ഫയല്‍ ചെയ്തു.

ഇതിനുശേഷം ഇവര്‍ പിരിഞ്ഞാണ് താമസിക്കുന്നത്. ഭര്‍ത്താവ് അരുണും കഴിഞ്ഞ ദിവസം കുടുംബ കോടതിയില്‍ ഹാജറായിരുന്നു. ഭര്‍ത്താവ് തന്നെ ശാരീരികമായും മാനസികമായും പീഡിപ്പിക്കുന്നതിനാല്‍ വിവാഹ മോചനം ആവശ്യപ്പെട്ടാണ് രചന ഹര്‍ജി നല്‍കിയത്.

ഇതിനിടെ രചന നാരായണന്‍കുട്ടിയെ വിവാഹം കഴിച്ചെന്ന റിപ്പോര്‍ട്ടുകളും വിവാഹചിത്രങ്ങള്‍ നെറ്റില്‍ പ്രചരിക്കുന്നുണ്ട്. രചന പ്രശസ്‌തയായതോടെ പഴയ ഫോട്ടോകളെല്ലാം അരുണ്‍ സോഷ്യല്‍ നെറ്റ്‌ വര്‍ക്കിംഗ്‌ സൈറ്റുകളിലൂടെ പുറത്തു വിടുകയാണെന്നാണ്‌ റിപ്പോര്‍ട്ടുകള്‍.

കാഴ്ചയിലും അവതരണത്തിലും പുതുമയാഗ്രഹിക്കുന്നവര്‍ക്ക് 'ABCD' ഇഷ്ടമാകും, മാര്‍ട്ടിന്‍ പ്രക്കാട്ട്‌

അമേരിക്കന്‍ ബോണ്‍ കണ്‍ഫ്യൂസ്ഡ് ദേശി (എഏ*ഒ) എന്ന് ചിത്രത്തിന് പേരിട്ടപ്പോള്‍ ആദ്യം ഭയന്നത് അമേരിക്കയിലെ ചിത്രീകരണമായിരുന്നു. എത്ര പ്രശസ്തനായാലും അമേരിക്കയിലെ ഇന്നത്തെ നിയമത്തിന്റെ നൂലാമാലയില്‍ നിന്ന് പെട്ടെന്ന് ഒഴിവാകാന്‍ കഴിയില്ല. അത്തരം സാഹചര്യത്തില്‍ ചിത്രീകരണത്തിന്റെ പെര്‍മിഷന്‍ എങ്ങനെ ശരിയാക്കും എന്നതായിരുന്നു ആദ്യത്തെ ടെന്‍ഷന്‍. കുറെ സുഹൃത്തുക്കള്‍ അവിടെയുള്ളതിനാല്‍ ആ കടമ്പ പെട്ടെന്ന് കടന്നു. കഴിഞ്ഞ ഡിസംബറില്‍ അമേരിക്കന്‍ ചിത്രീകരണം പ്ലാന്‍ ചെയ്തു. പക്ഷേ, കൊടും തണുപ്പും ഇരുട്ടുമൂടിയ കാലാവസ്ഥയും ചിത്രീകരണത്തിന് അനുയോജ്യമായി വന്നില്ല. അങ്ങനെയാണ് മെയ് അവസാനത്തേക്ക് ചിത്രീകരണം മാറ്റിവെക്കേണ്ടി വന്നത്.

അമേരിക്കയില്‍ ഇപ്പോള്‍ പൊടിമഞ്ഞ് വീഴുന്ന തെളിഞ്ഞ കാലാവസ്ഥയാണ്. ഇരുട്ട് പരക്കാന്‍ രാത്രി എട്ടു മണിയാകും. അത്രയും സമയം നമുക്ക് ഷൂട്ട് ചെയ്യാം. പത്തുദിവസം അമേരിക്കയില്‍ ചിത്രീകരണം നടന്നു. പെന്‍സില്‍വാനിയ യൂണിവേഴ്‌സിറ്റി കോളേജായിരുന്നു പ്രധാന ലൊക്കേഷന്‍. തിരക്കേറിയ ക്യാമ്പസ്സായിരുന്നിട്ടും ഷൂട്ടിങ്ങും ക്യാമറയും അവര്‍ക്കൊരു പുതുമയായിരുന്നില്ല. ആരും ശല്യപ്പെടുത്താന്‍ എത്തിയില്ല. അമേരിക്കയിലെ തിരക്കേറിയ നഗരമായിരുന്നു ടൈം സ്‌ക്വയര്‍. രാവും പകലും ഒരുപോലെ തിരക്കുള്ള നഗരം. ആ തിരക്കില്‍ ചിത്രീകരിച്ചപ്പോള്‍ പലരും ദുല്‍ഖറെ തിരിച്ചറിഞ്ഞു. മലയാളികളോട് ബഹുമാനം തോന്നിപ്പോയ നിമിഷമായിരുന്നു അത്. ന്യൂയോര്‍ക്ക്, ന്യൂ ജേഴ്‌സി, ഫിലാഡാല്‍ഫിയ എന്നിവിടങ്ങളിലും ചിത്രീകരണം ഉണ്ടായിരുന്നു.

ഷൂട്ടിങ്ങിനായി മുറിക്ക് പുറത്ത് ഒരു കളിത്തോക്കു പോലും ഉപയോഗിക്കാന്‍ ഞങ്ങള്‍ക്ക് അനുവാദം ഉണ്ടായിരുന്നില്ല. അതിന്റെ പെര്‍മിഷന്‍ ശരിയാക്കിയെടുക്കാന്‍ ഒരു മാസം പേപ്പര്‍ വര്‍ക്ക് നടത്തേണ്ടി വരുമെന്ന് കണ്ടപ്പോള്‍ ആ സീന്‍ ഇന്‍ഡോറില്‍ ചിത്രീകരിക്കേണ്ടി വന്നു. ദുല്‍ഖര്‍ സല്‍മാന്‍ പാടിയ 'പപ്പാഭരണം വേണ്ടപ്പാ..' എന്നു തുടങ്ങുന്ന ഗാനം ചിത്രീകരിച്ചത് ഇവിടെയായിരുന്നു. സന്തോഷ് വര്‍മയുടെ വരികള്‍ക്ക് ഗോപിസുന്ദറാണ് ഈണം പകര്‍ന്നത്.

ദുല്‍ഖര്‍സല്‍മാന്‍, ലാലു അലക്‌സ്, തമ്പി ആന്റണി, സജിനി സക്കറിയ എന്നിവരാണ് അമേരിക്കയില്‍ ഷൂട്ടിങ് ടീമിനൊപ്പം ഉണ്ടായിരുന്നത്. പുറമെ നാടകം, ചാനല്‍ രംഗങ്ങളിലെ നിരവധി കലാകാരന്മാരും ചിത്രത്തിന്റെ ഭാഗമാകുന്നുണ്ട്. ആത്മബന്ധങ്ങളുടെ പുതുമയാര്‍ന്ന കഥ പറയുന്ന ചിത്രമാണ് എ. ബി. സി. ഡി. കാഴ്ചയിലും അവതരണത്തിലും എന്തെങ്കിലും പുതുമയാഗ്രഹിക്കുന്നവര്‍ക്ക് 'എ. ബി. സി. ഡി.' ഇഷ്ടമാകുമെന്നാണ് എന്റെ പ്രതീക്ഷ.