മോഹന്‍ലാലിന്‍റെ പുതിയ അവതാരം - ശിവന്. ആള്‍ ചില്ലറക്കാരനല്ല. മധുരയിലെ അധോലോകം ഭരിക്കുന്നയാളാണ്. പ്രവര്‍ത്തനകേന്ദ്രം മധുരയാണെങ്കിലും ആള്‍ മലയാളിയാണ്. മധുരയില്‍ ശിവന് പറയുന്നതാണ് അവസാനവാക്ക്. അത് കള്ളക്കടത്തിലായാലും അതേ, കള്ളുകച്ചവടത്തിലായാലും അതേ. പ്രദേശവാസികള്‍ അയാളെ ദൈവത്തെപ്പോലെയാണ് കരുതുന്നത്.
‘ജില്ല’ എന്ന തമിഴ് സിനിമയിലാണ് മോഹന്‍ലാല്‍ ശിവന് എന്ന കഥാപാത്രത്തെ അവതരിപ്പിക്കുന്നത്. ശിവന് പുത്രതുല്യനും അടുത്ത അനുയായിയുമായ ‘ശക്തി’ എന്ന കഥാപാത്രമായി സാക്ഷാല്‍ ഇളയദളപതി വിജയ് എത്തുന്നു. ശിവന്‍റെ ഭാര്യയായി എത്തുന്നത് പൂര്‍ണിമ ഭാഗ്യരാജാണ്.
ശിവനും ശക്തിയും ചേര്‍ന്നാല്‍ - ശിവശക്തി. ആര്‍ക്കും പിടിച്ചാല്‍ കിട്ടില്ല. ഏറ്റവും വലിയ അധികാരകേന്ദ്രം. ഈ ടീമിനെ തകര്‍ക്കാന്‍ ശത്രുക്കള്‍ ആഗ്രഹിക്കാതെയിരിക്കുമോ? അവര്‍ എല്ലാ സന്നാഹങ്ങളോടെയും ശിവനും ശക്തിക്കുമെതിരെ ആഞ്ഞടിക്കും. ആ പോരാട്ടങ്ങളുടെ കഥയാണ് ‘ജില്ല’ എന്ന ചിത്രത്തിലൂടെ നവാഗത സംവിധായകനായ നേശന്‍ പറയുന്നത്.
മലയാളിതാരം നിവേദ തോമസും ഈ ചിത്രത്തില്‍ ഒരു പ്രധാന വേഷത്തിലെത്തുന്നുണ്ട്.
No comments:
Post a Comment